DIDAMELNA RUH ANU AGUNG MUHAMMAD SAW
Parantos dicarioskeun dina hadits, satemenna Gusti Alloh ngadamel hiji tangkal kai. Ari dahana aya opat, anu disebatna "Sajarotul yaqin" (Tangkal Yaqin). Tidinya Gusti Alloh ngadamel Nurna Kanjeng Nabi Muhammad saw dina hijab (pipinding) tina inten anu bodas. Ari rupina eta Nur sapertos manuk merak. Teras eta Nur di simpen di luhur sajarotul yaqin tea, teras eta Nur maca tasbeh, lamina 70 rebu taun. Tidinya teras Gusti Alloh ngadamel "mi'rotul hayat" (eunteung kahirupan). Teras disimpen dipayuneun Nur Muhammad.
Barang Nur ningali kana kaca, katingali rupina kalintang saena sareng kalintang gindingna, mangka eta Nur kalintang isinna ku Gusti Alloh dugi ka cikaringetan,sareng
cikaringetna netes genep tetesan.
Tina tetesan kahiji ku Gusti Alloh didamel Sayyidina Abu Bakar. Tina tetesan kadua Sayyidina Umar. Tina tetesan katilu Sayyidina Utsman. Tina tetesan kaopat Sayyidina Ali Rodiyallohu Anhum. Tina tetesan kalima didamel aer mawar. Tina tetesan kagenep didamel pare. Tidinya teras eta Nur Muhammad sujud lima kali, mangka ngawajibkeun Gusti Alloh ka anjeuna sareng umat-umatna sholat lima waktu.
-
