NURNA KANJENG ROSULLULOH SAW DITINGGALI KU GUSTI ALLOH NU MAHA AGUNG
Tidinya teras Nurna Kanjeng Nabi saw ditingali ku Gusti Alloh. Tina isin ditingali, mangka
kaluar tina sakuliah salirana cikaringet.
Ari cikaringet tina pangambungna didamel sadayana Malaikat.
Tina cikaringet rarayna didamel 'aras, kursi, laulhil mahpud, qolam, panonpoe, bulan, sadayana
hahalang, sadayana bentang, sareng sadayana anu aya di langit.
Tina cikaringet dadana didamel para nabi, para rosul, para ulama, para suhada, sareng sadayana jalmi anu sholeh.
Tina cikaringet pungkurna didamel baetul ma'mur, ka'bah, baetul muqodas, sareng sadaya tempat-tempat masjid nu aya di dunya.
Tina cikaringet jidat halisna didamel sadaya ummat Muhamad saw, islam lalaki, islam awewe, mu'min lalaki, mu'min awewe.
Tina cikaringet cepilna didamel ruhna bangsa yahudi, bangsa nasroni, kapir majusi, kapir munapik, sareng kaum anu sasar.
Tina cikaringet sampeannana didamel bumi ti masyrik dugi ka magrib sareng barang anu aya di bumi. Teras Gusti Alloh nimbalan ka eta Nur: "Heh Nur Muhammad, tingali hareupeun anjeun!".
Barang ditingali hareupeunanna aya cahaya, sareng di pungkurna aya cahaya, di kiwa-teungenna aya cahaya, nyaeta cahaya sahabat anu opat, Sayyidina Abu Bakar Sidiq, Sayyidina Umar, Sayyidina Utsman, sareng Sayyidina 'Ali rodliyyallohu 'anhum. Tidinya teras eta Ruh tasbeh 70 rebu taun.
Teras Gusti Alloh ngadamel arwahna sadaya ambiya tina cikaringet ruhna kanjeng Nabi Muhammad saw.
Ari arwahna sadayana ummat nabi-nabi tina Ruh nabina masing-masing.
Sareng ngadamel arwahna ummat Muhammad tina Ruhna Nabi Muhammad saw, mangka teras eta Arwah pad ngucap "laa ilaahha illallooh muhammadur rosululloohh".
-
