KANJENG NABI NGADEG DINA LEBET ISTAOLOP DITINGALI KU SADAYANA ARWAH
Tidinya teras Gusti Alloh ngadamel ISTAOLOP tina akik anu ngenclong beureum, sareng teras ngadamel rupina
Kanjeng Nabi.
Saparantos rupina didamel, teras disimpen dina luhureun Istaolop.
Kanjeng Nabi ngadeg dilebet Istaolop sapertos ngadeg dina netepan.
Tidinya teras Arwahna sadaya para nabi ngurilingan Ruhna Kanjeng Nabi Muhammad saw, pada marhaban, tasbih sareng tahlil, kenging 100 rebu taun.
Tidinya teras Gusti Alloh marentah ka sadayana arwah kedah naringali kana rupina kanjeng Nabi Muhammad saw. Sapalih arwah aya anu ningali kana mastakana Kanjeng Nabi, mangka eta jalma jadi raja. Sapalihna aya anu ningali kana
taarna, mangka eta jalma jadi pamarentah, jadi kapala anu adil. Sapalihna aya nu ningali kana socana, mangka eta jalma jadi hapadz kana kalamuloh. Sapalihna aya nu ningali kana halisna, mangka eta jalma jadi tukang ngukir. Sapalihna aya anu ningali kana cepil duanana, mangka eta jalma sok ngadangu sareng nyaho kana perkara haq, perkara bener. Sapalihna aya nu ningal kana damisna, mangka eta jalma jadi tukang migawe kahadean, sareng jalma berakal. Saplihna aya nu ningali kana biwir duananaa, mangka eta jalma jadi pangkat patih. Sapalihna aya nu ningali kana pangambungna Kanjeng Nabi, mangka eta jalma jadi ahli ilmu hikmah (dokter), sareng jadi tukang minyak seungit. Sapalihna aya nu ningali kana bahamna, mangka eta jalma jadi kasep sareng geulis. Sapalihna aya nu ningali kana teunggek (tikoro) Kanjeng Nabi, eta jalma jadi tukang muruk mitutur, nganasehat, sareng tukang adan. Sapalihna aya nu ningali kana rambutna Kanjeng Nabi, eta jalma jadi tukang perang sabilillah. Sapalihna aya nu ningali punduk Kanjeng Nabi, eta jalma jadi tukang dagang, sugih. Sapalihna aya nu ningali kana dua bahuna (peupeuteuyan) dua Kanjeng Nabi, mangka eta jalma jadi tukang tumpak kuda dina perang sareng tukang pedang. Sapalihna aya anu ningali bahu anjeuna (peupeuteuyan) dua katuhu Kanjeng Nabi, mangka eta jalma jadi tukang seurot. Sapalihna aya nu ningli bahu kiwana Kanjeng Nabi, mangka eta jalma jadi jalma bodo. Sapalihna aya nu ningali dampal panangannana nu katuhu, mangka eta jalma jadi tukang tukeur duit, tukang nyulam. Sapalihna aya anu ningali dampal panangan Kanjeng Nabi anu palih
kenca, mangka eta jalma jadi tukang naker. Sapalihna aya nu ningali panangannana Kanjeng Nabi, mangka eta jalma berehan sareng gagah. Sapalihna aya anu ningali pungkur
panangan Kanjeng Nabi anu palih kiwa, mangka eta jalma jadi koret. Sapalihna aya nu ningali pungkur panangan Kangjeung Nabi palih katuhu, mangka eta jalma teh jadi tukang masak. Sapalihna aya nu ningali tungtung panangan Kanjeng Nabi, mangka eta jalma teh jadi juru tulis. Sapalihna aya nu ningali ramona Kanjeng Nabi palih kiwa, mangka eta jalma teh jadi tukang ngaput. Sapalihna aya
nu ningali ka ramona Kanjeng Nabi palih kiwa, mangka eta jalma jadi tukang beusi. Sapalihna aya anu ningali kana dadana Kanjeng Nabi, mangka eta jalma teh jadi 'alim dimulyakeun sareng mujtahid. Sapalihna aya anu ningali pungkur (tonggong) Kanjeng Nabi, mangka eta jalma teh jadi handap asor sareng tumut kana parentah syara'. Sapalihna aya anu ningali kana gedengna (gigirna) Kanjeng Nabi, mangka eta jalma teh ahli perang. Sapalihna aya anu ningali kana patuangan Kanjeng Nabi, mangka eta jalma teh jadi Qona'ah, ahli tapa. Sapalihna aya anu ningali kana dengkul duanana Kangjeung Nabi, mangka eta jalma jadi tukang ruku', tukang sujud. Sapalihna aya anu ningali kana sampeannana Kanjeng Nabi, mangka eta jalma jadi tukang leuleumpangan. Sapalihna aya anu ningali kana kalangkang Kanjeng Nabi, mangka eta jalma jadi tukang tembang, tukang tarompet. Sapalihna
aya anu teu ningali pisan ka Kanjeng Nabi, mangka eta jalma jadi yahudi, nasroni, majusi. Sapalihna aya anu teu ningali Istaolop-Istaolopna acan, mangka eta jalma jadi biangna kapir, nepi ka ngaku jadi pangeran, saperti fir'aun.
-
