CIRI-CIRI WAKTUNA MALAKAL MAUT KUDU NYABUT NYAWA
Nyaeta di mana malakal maut nampi hiji buku, di dinya dituliskeun ngaran si Abdi tea, teras
malakal maot unjukan ka gusti Alloh, piunjukna: "Nun Gusti, iraha ku abdi kedah di cabut eta nyawana si abdi teh, sareng keur kumaha di cabutna?".
Timbalan Gusti Alloh: "Heh malakal maut, perkara iyeu elmu bangsa ghoib. Moal aya anu terang salian ti Kami, tapi Kami mere alamat ka maneh, nyaeta malaikat anu ngurus ambekannana engke datang ka maneh ngunjukeun yen si anu geus seep ambeukanna. Nyakitu deui malaikat anu ngurus rizqi unjukan ka maneh, si anu geus seep rizqina. Tah upama rek maot teh, jalma bagja kanyahoan dina buku malakal maut ngarana eta jalma pinuh ku cahaya. Upama jalma cilaka
ngarana ditulis ku hideung henteu aya cahayaan.
Saparantos kitu, teu acan pertela keneh ka malakal maut nyabut ruhna hiji abdi sahingga ragrag hiji daun ti handapeun 'Arasy ka malakal maut, anu ditulis dina eta daun ngaran si eta abdi, tidinya kakara malakal maut nyabut ruhna si abdi tea.
Dawuhan ka 'Abul Ahbar: Satemena
Gusti Alloh ngadambeul hiji tangkal kayu di handapeun 'Arasy, ari
dauna sabingbilangan makhluk. Samangsa-mangsa ajalna si abdi kantun 40 dinteun deui, mangka ragrag daun ka malakal maut. Dina daun di tulisan ngaran si abdi tea, mangka uninga umurna si abdi tea ti waktu harita tinggal opat puluh poe. Ku urang langit mah eta jalma teh geus disarebut mayit, padahal hirup keneh opat puluh poe.
Ceuk sakaul, malaikat Mingkail di paparin hiji buku. Dina eta buku ditulis ngarana jalma anu kudu dicabut nyawana jeung tempatna jeung sabab-sababna dicabut nyawana.
Dawuhan Abu Laits ra: Tina handapeun 'Arasy aya nu netes dua tetesan, hiji hejo, nu hiji deui bodas. Upami ngaran katetesan kunu hejo, eta ciri cilaka. Upama katetesan kunu bodas ciri salamet.
-
