MALAKAL MAUT NYANDAK RUH
Di cariosken dina kitab SULUK, satemenna malakal maut kagungan kartil di langit ka 7, ceuk sakaul di langit ka 4.
Didamelna kartil tina cahaya. Tihangna 70 rebu tihang. Sareng malakal maut kagungan 4 rebu jangjang, anu sakuliahna pinuh ku
soca sareng lisan, mangka heunteu aya sahiji makhluk bangsa jalma sareng bangsa manuk sareng sakabeh anu boga ruh (nyawa) anging eta
maklhuk teh aya dina jasadna malakal maut, aya beungeutna, aya panona, aya leungeuna jeung aya ceulina, mangka nyandak malakal maut kana ruhna makhluk ku lengeuna eta makhluk nu aya di jasadna malakal maot tea, jeung ningali ku beungeutna. Kumargi kitu gampil pisan malakal maut nyandakanna ruh dina saban-saban tempat.
Di mana maot hiji awak-awakan, hiji anu beurnyawa, mangka leungit ti malakal maot rupana awak-awakan tea.
Ceuk hiji kaul, malakal maot kagungan opat raray. Kahiji ti kobul. Kadua dina sirahna. Katilu ti pungkur. Ka opat dina dampal sampeannana.
Ari nyandak ruh nabi-nabi sareng malaikat, ku raray anu aya dina
mastakana.
Ari nyandak ruh mu'min ku raray anu ti payun.
Ari nyandak ruh kapir ku raray anu ti pungkur.
Ari raray anu aya dina dampal sampeannana paranti nyandak ruhna sakabeh jin.
Ari salah sahiji sampeannana malakal maut ka cukang naraka jahanam, ari anu sabeulah deui kana kartil di sorga.
Sareng dicarioskeun deui, ari ageungna malakal maut, upama sakabeh cai wahangan jeung sakabeh cai laut di cicikeun kana mastakana malakal maut, tangtu mol aya anu ragrag satetes acan.
Sareng dicarioskeun, sakabeh dunya upama dipayunan ku malakal maut, saperti hiji lalaki nyinghareupan sisihan rek nyandak kadaharan tina sisihan tea, nyakitu deui malakal maut nyandakan ruh sakabeh
makhluk, henteu aya kasesahannana.
Malakal maot mah ngabulak-balik dunya teh saperti hiji lalaki ngabulak-balik artos sadirhan (satalen).
Ceuk hiji riwayat, malakal maut mah tara turun anging nyandak ruh para nabi, sareng utusan.
Ari kanu sanes mah sareng ka sasatoan miwarang wakilna bae.
Sareng dicarioskeun, tetkala Gusti Alloh ngaruksak sakabeh makhluk, mangka ngaleungitkeun sakabeh socana anu aya dina salirana malakal maut, anu kantun mung 8, nyaeta malaikat Isropil, Mingkail, Jabroil,
Ajroil, sareng 4 malaikat anu ngagotong 'Arasy.
Ari Malakal Maut eta sepertos Malakal Isropil dina rarayana, lisana, jangjangna, ageungna, sareng kagagahannana teu kirang teu langkung.
-
