RUH NYUHUNKEUN TAWIS KA MALAKAL MAUT TINA TUGASNA REK NYABUT NYAWA
Dicarioskeun dina hadits: Satemen-temenna
Malakal Maut, upama rek nyandak ruh mu'min, eta ruh nyarios ka Malakal Maut, sanggemna: "Kaula moal nurut ka anjeun upama anjeun henteu di piwarang nyandak kaula".
Saur Malakal Maut: "Puguh kaula diparentah nyokot anjeun.
Sanggem ruh: "Naon tandana anjeun diparentah nyandak kaula? Kaula menta tanda, sabab kaula didamel ku pangeran kaula, teras diasupkeun kana jasad kaula, waktu eta anjeun henteu aya, henteu nyaksian, kari-kari ayeuna datang rek nyokot kaula. Kaula mah moal daek upama henteu aya tanda yen anjeun di piwarang ku gusti Alloh.
Tidinya teras Malakal Maut unjukan ka Gusti Alloh, ngunjukeun pamentana si ruh tea.
Dawuhan Gusti Alloh: "Heh Malakal Maut, bener caritaan 'abdi Aing eta. Ayeuna maneh leumpang ka sorga cokot buah apel, di dinya aya tanda ti Aing, tembongkeun ka 'abdi aing eta".
Tidinya teras malakal maot angkat ka surga nyandak hiji buah apel anu di tulisan "bìsmillahir Rohmaanir Rohiim", teras di tembongkeun ka eta abdi tea. Saparantos eta ruh ningali buah apel surga, teras kaluar tina jasadna henteu hararese.
T A M A T
-
