DIDAMELNA MALAKAL MINGKA'IL
Saparantos 500 taun ngadameul Malaikat Isrofil, Gusti Alloh ngadameul malaikat Mingka'il.
Tina mastakana dugi kana dampal sampeannana pinuh ku rambut tina japaron sareng pinuh
ku jangjang tina inteun jabarjad anu hejo.
Dina saban-saban hiji rambut sarebu-rebu raray.
Tina hiji-hiji raray, sarebu-rebu soca.
Hiji-hiji soca pada nangis, pada mikahawatos ka mu'min anu berdosa.
Sareng dina hiji-hiji raray sarebu-rebu cangkem.
Dina hiji cangkem sarebu lisan.
Dina hiji lisan sarebu bahasa.
Hiji-hiji lisan pada maca istighfar, mang istighfarkeun ka mu'min anu berdosa.
Sareng saban-saban soca netes 70 tetes
didambeul hiji malaikat anu sarupi sareung Malaikat Mingka'il. Sadayana pada maca tasbeh dongkap ka yaumal Qiyamah.
Ari jenengannana, nyaeta Malaikat Karubiyyun, nyaeta baladna Malaikat Mingka'il, pikeun ngurus hujan, ngurus sakabeh tatangkalan
sareng jujukutan sareng bungbuahan sareng rizqi, mangka teu aya hiji lauk di laut, teu aya buah dina tangkal, sareng teu aya jukut anu jadi di bumi, anging di dinya aya malaikat anu ngurusna.
-
