DIDAMELNA MALAKAL ISROFIL
Dawuhan Ibnu Abbas ra:
Malaikat
Isrofil nyuhunkeun kakuatan ka GustI Alloh 7 lapis langit, teras dipaparin kakuatan. Sareng nyuhunkeun kakuatan 7 lapis bumi, mangka dipaparin. Sareng nyuhunkeun kakuatan angin, mangka teras dipaparin. Sareng nyuhunkeun kakuatan gunung, mangka teras dipaparin. Sareng nyuhunkeun kakuatan jin sareng manusa, mangka teras dipaparin. Sareng nyuhunkeun dipaparin kakuatan sakabeh sato galak, teras di paparin.
Ari Malaikat Isrofil tina dampal sampeannana dugi kana mastakana pinuh ku rambut sareng pinuh ku cangkeum sareng letah anu
ditutupan ku pirang-pirang jangjang.
Hiji letah maca tasbeh ka Gusti Alloh ku sarebu basa. Sareng ngadameul Gusti Alloh tina salirana Malaikat Isrofil sarebu-rebu malaikat anu sarupi Malaikat Isrofil. Damelna maca tasbeh ka Gusti Alloh donkap ka yaumil qiyamah, nyaeta Malaikat Muqorobun sareng Malaikat Kiromun Katibun.
Dina sadinten sawengi Malaikat Isrofil ningali
naraka jahanam tilu kali. Tina bawaning paur ningali pakewuh sareng siksa jahanam, anjeuna sok nangis sareng depe-depe ka Gusti Alloh, sareng salirana anu sakitu ageungna jadi leutik dugi ka sami sareng tali gondewa. Upami ku Gusti Alloh teu dihalangan, tangtu ieu bumi kabanjiran ku cisocana Malaikat isrofil, saperti banjir Nabi Enuh As. Ari ageungna Malaikat Isrofil upama sakabeh cai laut sareng cai
wahangan dicicikeun kana mastakana Malaikat Isrofil, tangtu moal aya anu ragrag satetes-tetes acan.
-
